İftar süfrəsinə nə hazırlamaq olar?

İftar süfrəsinə nə hazırlamaq olar?

30.04.2020 Off By admin

“Hakimiyyet.com” xəbər verir ki,

Axşam.az iftar süfrəsi üçün reseptlər təqdim edir:

Pəhriz qurabiyəsi

Ərzaqlar:

2 yumurta ağı
10 ədəd xurma
1 fincan kokos qırıntısı
yarım fincan kokos yağı və ya zeytun yağı
1 fincan xırdalanmış fındıq

Hazırlanması:

Xurmaları suda saxlayıb yumşalmasını gözləyin. Daha sonra çəngəllə püre halına gələnədək əzin. Yumurta ağı ilə yağı mikserlə qarışdırın. Qalan bütün ərzaqları əlavə edib, birlikdə yoğurun. Kiçik parçalar götürüb, soba qabına düzün. 180 dərəcədə üstü qızaranadək bişirin.

 

Toyuq və pendir salatı

Ərzaqlar:

1 ədəd toyuğun döş əti

Kahı

100 qr. pendir

2 ədəd pomidor

1 ədəd yumurta

14 xiyar

5 x.q soya sousu

Hazırlanması:

Bir qazanda suyu qaynadın. Qaynağa düşəndə yumurtanı suya qoyun. 10 dəqiqə bişirin. Kahını yuyub, kənara qoyun. Pomidorları yuyun, iki hissəyə bölün və içini təmizləyin. Bişmiş toyuq ətini kub şəklində doğrayın. Yumurtanın qabığını təmizləyib, onu da doğrayın. Həmçinin, pomidor və pendiri də. Bütün bunların hamısını qarışdırın və üzərinə soya sousunu, xiyarı dairəvi şəkildə dilimləyib əlavə edin.

 

Kartoflu küftə

Ərzaqlar:

4-5 ədəd kartof
2 ədəd pomidor

Küftə üçün:
300 qr. qiymə
1 ədəd rəndələnmiş soğan
1 ədəd yumurta
duz, istiot, qırmızı istiot, suxarı unu, istədiyiniz qədər cəfəri

Üzəri üçün:
Holland pendiri
Tomatlı su

Hazırlanması:
Küftə üçün olan ərzaqları bir qaba töküb qarışdırın. Kiçik küftələr düzəldilib, soyuducuya qoyulur. Kartofları təmizləyib 3-4 dilimə ayırın. Duzlayıb, azca yağda qızardın. Küftələri də soyuducudan çıxarıb, qızardım, yağını çəkməsi üçün kağız salfetin üstünə düzün. Yemeyi hazırlayacağınız qaba 1 kartofu qoyub, üzərinə küftəni və 1 dilim pomidoru qoyun. Ən üstə bir dilim kartof əlavə edin. Tavaya bütün ərzaqları bu qaydada düzün. Sonda üstünə tomatlı su tökülüb, kartoflar bişənə qədər odda saxlanılır. Sonda üzərinə bir dilim holland pendiri qoyulur. 

 

Holand pendirli küftə

Ərzaqlar:
Qiymə – 250 qr.
Soğan – 1 ədəd
Suxarı unu – 2-3 x.q.
Yumurta – 1 ədəd
Cəfəri – 1 dəstə
Kəklik otu, qırmızı bibər, duz
Holand pendiri, kərə yağı

Hazırlanması:
Qiyməni blenderdən keçirilən soğan, cəfəri, yumurta, suxarı unu, duz, istiotla qarışdırın. Soyuducuda 1 saat saxlayın. Qiymə qarışığından qoz böyüklüyündə küftələr düzəldib arasına holand pendiri qoyun.  Küftələrin üstünə bir parça kərə yağı qoyub 180 dərəcə isidilmiş sobada bişirin.

Share